Vrouedag bring lekker afslag vir teaterliefhebbers

Op 9 Augustus gedenk Suid-Afrika Nasionale Vrouedag, en Momentum Aardklop vier die vroue in die kunste vanjaar met ’n spesiale promosie. Feesgangers kan 30%-afslag op uitgesoekte feeskaartjies kry.  

Die proses om jou afslag te kry is redelik eenvoudig. Jy gaan na SeatMe.co.za, kies die produksies waarvoor die promosie geld, en voeg die kode D4ME26 in wanneer jy betaal. Die aanbod is beskikbaar vanaf Sondagoggend 9 Augustus om 08:00 tot Dinsdagaand 11 Augustus om 20:00. Hierdie afslag geld slegs vir die volle kaartjieprys, aangesien Hartsvriende en pensioentrekkers reeds afslag kry.  

Komedie en goeie sielskos op die verhoog

Daar is heelwat komedies en warmhartige vertonings om van te kies:

• Ouma en die ou koeie: Margit Meyer-Rödenbeck is terug as Ouma, saam met Coenraad Rall op die klavier. Hierdie komedie-kabaret beloof om jou te laat skaterlag en nostalgies te maak. (Volprys: R220 | Afslagprys: R154)  

• Lizz Meiring: The ‘Real Housewife: Lizz Meiring steek op 'n vlymskerp manier die draak met realiteitstelevisie. Dit is eietyds, warmhartig en baie vermaaklik. (Volprys: R220 | Afslagprys: R154)  

• Gryp elke grasHolm: Marion Holm bring hoop, humor en harmonie vir 'n deurmekaar wêreld. (Volprys: R200 | Afslagprys: R140)  

• Wat om te doen as die wêreld brand: Elzabé Zietsman vertolk die rol van ’n "agony aunt" in hierdie kabaret saam met Jody Jason Petersen. (Volprys: R220 | Afslagprys: R154)  

• Beste voetjie voor: ’n Kabaret vir jong mense en 'n ode aan al die hustlers daarbuite. Die storie volg aspirant-DJ Hannie (Zandelle Meyer) wat Kaapstad deurkruis met eenmalige gigs, waitressing en selfs voetfoto’s. Met Marcel Dednam. (Volprys: R180 | Afslagprys: R126)  

Drama en meesleurende musiek

Vir diegene wat op soek is na dieper drama of musikale samestellings: 

• Tillie / Mathilda: 'n Drama uit Amanda Strydom se pen, verweef met musiek, waarin sy en Je-ani Swiegelaar die storie van twee prostitute vertel. Die produksie is vir twee Kannas benoem en is geregisseer deur Christo Davids. (Volprys: R220 | Afslagprys: R154)  

• Die ander dogter: Sandra Prinsloo vertolk die rol in hierdie stuk deur die Nobelpryswenner Annie Ernaux oor skuld en verlies. Teksverwerking deur Saartjie Botha en regie deur Lara Foot. (Volprys: R250 | Afslagprys: R175)  

• In harmonie: Anna Davel en Ilse Klink span saam om die tema van liefde en hoop deur musiek te verken. (Volprys: R200 | Afslagprys: R140)  

• Ommitafel: Steffie le Roux en Mariette Galjaard bring ’n intieme, dubbel-Kanna-benoemde vertoning vol stories en herinneringe. (Volprys: R190 | Afslagprys: R133)  

• Belofte van vere: 'n Huldeblyk aan Breyten Breytenbach met onder andere Rolanda Marais, Ilse Klink en Leon Gropp. (Volprys: R230 | Afslagprys: R161)  

• Boesman en Lena: Athol Fugard se bekende stuk is deur Vinette Ebrahim in Afrikaans vertaal. Die spelers sluit in Veronique Jephtas, Brendon Daniels en Tshamano Sebe. (Volprys: R230 | Afslagprys: R161)  

• CRYBABY: ’n Absurde tragikomedie deur Carla Smith met Frank Opperman, Nicole Holm, René Cloete, Gantane Kusch en Wian Taljaard. (Volprys: R230 | Afslagprys: R161)