Vyf jaar van jolyt - Potch Geesfees is terug

Amanda Bekker
1 day ago
1 min read

Potch Geesfees vier vanjaar sy vyfde verjaarsdag. Wat destyds as 'n droom begin het, het intussen verander in 'n groot jaarlikse instelling. Die fees vind plaas by Lekwena Wildlife Estate op die N12 net buite Potchefstroom, en dit beloof om weer te sorg vir 'n naweek vol vermaak, unieke stalletjies en lekker kos.

Grootter as voorheen

Nadat 2025 as die grootste fees tot nog toe aangeteken is, mik die organiseerders vanjaar vir selfs meer impak. Die wins word teruggeploeg in die omgewing deur verskeie inisiatiewe te ondersteun. Mense wat 'n kaartjie koop, help dus eintlik om die plaaslike gemeenskap 'n hupstoot te gee.

Die skade vir die beursie

Die kaartjiepryse is uitgewerk sodat die hele gesin kan saamgaan sonder dat pa sy kar hoef te verkoop. Vir die Vrydag kos dit R100 per persoon, en kinders tussen 6 en 18 betaal R50. As die Saterdag verkies word, is dit R150 vir volwassenes en R80 voor die kinders.

Die beste opsie is seker maar die naweekkaartjie, maar jy sal moet draf. Daar is SLEGS 300 naweek pakket kaartjies vir volwassenes beskikbaar teen R180 vir al 2 dae! Hierdie "Gryp-gou" geleentheid is slegs tot 30 JUNIE 2026 geldig. Vir die kinders kos 'n gewone naweekkaartjie R100.

Hoe om jou plek te kry

Die hele affêre skop af op 28 Augustus 2026. Kaartjies kan gerieflik aanlyn gekoop word voor die tyd om toue te vermy.