Basaarkos op wiele in Potchefstroom

Die tradisionele basaar kry nuwe lewe, en hierdie keer hoef niemand eers uit die kar te klim om die kos te kry nie. Die Potchefstroom Dienssentrum hou 'n "Kry en Ry Basaar" op Vrydag, 3 Julie 2026.

Mense kan vooraf 'n bestelvorm invul, hulle kos bestel en dit dan net op die dag by die sentrum gaan oplaai. Dit beteken geen lang toue of gesukkel om parkering te soek nie.Die bestelvorms is direk by die kantoor beskikbaar.

Wat is op die menu?

Vir diegene wat wonder wat om te eet, is die pryse baie billik en sluit klassieke basaarkos in:

• Jaffels: R35 elk.

• Kerrie en rys: R50 per porsie.

• Melkkos: R30 vir 500 ml of R60 vir '1L'.

• Pannekoek: R7 elk.

• Boontjie- en groentesop: R40 vir 500 ml of R80 vir '1L'.

Kompetisie vir plaaslike besighede

Daar is ook 'n lekker bonus vir die sakeondernemings in die omgewing. Die besigheid wat die grootste bestelling plaas, wen 'n gratis advertensie in die Dienssentrum se Lente Nuusbrief. Hierdie advertensie sal vir drie maande hardloop, vanaf September tot November. Dit is 'n maklike manier om die personeel met middagete te bederf en terselfdertyd gratis bemarking te kry.

Kontakbesonderhede en ligging

Die Dienssentrum is geleë te Chris Hanistraat 90, Potchefstroom. Daar is geen kaartjies nodig vir die geleentheid nie, aangesien dit bloot 'n afhaaldiens is.

• Vir bestelvorms of meer inligting, kan die kantoor gekontak word via:

• Telefoon: 018-293-0678

• WhatsApp: 076-767-7249

Deel die inligting met vriende