Goud Gewere en 'n Baie Gevaarlike Gesprek

Amanda Bekker
Jul 7
2 min read

As jy al ooit gewonder het wat regtig aangaan in die donker tonnels onder ons voete, is dit jou kans om uit te vind, sonder om self 'n booby trap af te trap. Die Momentum Aardklop-fees bring vanjaar 'n gesprek na die verhoog wat jou hare sal laat regop staan.

Graham Coetzer gaan regstreeks met Stefaans Coetzee gesels oor sy splinternuwe niefiksie-boek, Zama Zama.

Die Man met die Kamera in die Tonnel

Coetzer het nie net van ver af navorsing gedoen nie. Hy het letterlik met versteekte kameras en opnemers in die tonnels afgegaan waar die zama zamas bly. Hy moes koeëls ontduik, middernagtelike strooptogte oorleef en doodsdreigemente hanteer om hierdie storie te kry.

Die boek wys presies hoe onwettige goud gesmokkel, gewas en op die ou end weer as "skoon" goud in die wettige mark verkoop word. Dit gaan lankal nie meer net oor 'n paar ouens wat kossoek in ou myne nie; dit is 'n massiewe internasionale misdaad-ekosisteem.

Pineapple en die Gesteelde Miljarde

In die boek ontmoet lesers karakters soos ' Pineapple', 'n nogal flambojante ou wat sy kriminele ryk met goue armbande en harde vuiste regeer. Coetzer wys hoe die gesteelde miljarde nie net verdwyn in die pockets van 'n paar ryk skurke nie, maar hoe dit dinge soos dwelm- en wapenhandel, sigaretsmokkelary en korrupsie finansier.

Dit is halfpad true crime riller en halfpad ondersoekende joernalistiek. Dit kyk baie diep na die lyn waar die verskil tussen slagoffer en dader begin verdwyn.

Waar en Wanneer?

Hier is al die vinnige feite wat jy moet weet as jy die praatjie wil bywoon: