Politiek Vegvliegtuie en die Groot Vrae - by Aardklop

Amanda Bekker
Jun 23
2 min read

As jy op soek is na 'n bietjie breinkos tussen die pannekoek en die stalletjies deur, is daar een spesifieke boekbespreking wat jy dalk op jou lysie wil sit. Die Momentum Aardklop program het hierdie jaar 'n sessie wat terselfdertyd na die land se verlede én die toekoms kyk.

Die sessie bring twee baie verskillende skrywers bymekaar wat albei probeer sin maak van hoe Suid-Afrika gekom het waar hy vandag is.

Koalisie-chaos en die Ouderdom van Onsekerheid

Eerste op die verhoog is Tara Roos met haar niefiksie-boek Where to From Here?. Tara kyk reguit na die politieke raserigheid in die land. Haar groot argument is dat ons amptelik in die "age of uncertainty" is, veral nou dat populisme oral opskiet.

Sy vat die politieke partye en deel hulle op in drie groepe: die Wenners, die Losers en die Survivors. Sy kyk baie fyn na wat hierdie ouens reg doen, waar hulle droogmaak, en hoekom sommige partye skielik groei terwyl ander heeltemal inmekaarstort. In 'n demokrasie waar mense nog steeds wonder oor die beloftes van 1994, is haar boek basies 'n storie van hoe die politici die mense gedrop het, en hoe ons as kiesers nou beter dinge moet begin eis.

Van Fighter Jets tot die Arms Deal

Reg oorkant haar sit Pierre Steyn met sy memoires, Wings of Duty, Shadows of Power. Pierre loop al meer as tagtig jaar op hierdie aarde rond en het dinge gesien wat die meeste van ons net in geskiedenisboeke lees.

Sy storie begin in die laat 1950s toe fighter jets sy verbeelding gevang het en hom op 'n lewenslange pad in die lugvaart- en verdedigingswêreld gesit het. Hy was uiteindelik die land se heel eerste Sekretaris van Verdediging toe die nuwe demokrasie begin het. Hy moes daardie vroeë hoop bestuur terwyl die eerste skaduwees van groot skandale (ja, daardie bekende wapentransaksie-storie) begin kop uitsteek het. Vir Pierre is militêre mag nie net weermag-aksie of avontuur nie, maar 'n ding wat politiek en die hele samelewing verander.

Die nodige besonderhede vir jou dagboek

Hier is die vinnige feite sodat jy presies weet waarheen om te ry: